«تسيفرلى قازاقستان» باعدارلاماسى جوباسىنىڭ ماسەلەلەرى قارالدى

كەشە پرەمەر-مينيستر باقىتجان ساعىنتاەۆ «تسيفرلى قازاقستان» مەملەكەتتىك باعدارلاماسى جوباسىنىڭ ماسەلەلەرى جونىندە كەڭەس وتكىزدى, دەپ حابارلادى پرەمەر-ءمينيستردىڭ ءباسپاسوز قىزمەتى.

كەڭەس بارىسىندا قا­زاق­ستان ەكونوميكاسىن تسيفر­لان­دىرۋدىڭ 2025 جىلعا دەيىنگى ەگجەي-تەگجەيلى جوسپارلارى تالقىلاندى. باعدارلامانى تابىستى ىسكە اسىرۋ ەلدىڭ ءبا­سە­كەگە قابىلەتتىلىگى جانە ەكونو­مي­كانىڭ بارلىق سالالارىندا ەڭبەك ونىمدىلىگى ءوسىمىن قام­تا­ماسىز ەتۋگە مۇمكىندىك بەرەدى.

مەملەكەتتىك باعدارلاما ءتورت باستى باعىتتى ىسكە اسى­رۋعا باعىتتالعان: تسيفر­لى ينفراقۇرىلىمدى دامى­تۋ, حالىقتىڭ تسيفرلىق ساۋات­تىلىعىن ارتتىرۋ, ەكو­نو­ميكانىڭ بازالىق سالا­لار­ىن تسيفرلاندىرۋ جانە مەملە­كەت­تىك قىزمەت كورسەتۋ بويىنشا ەلەكتروندى جانە ءموبيلدى ۇكى­مەت جۇيەسىن جەتىلدىرۋ.

كەڭەس اياسىندا مەملەكەتتىك باعدارلاما جوباسىن ساراپ­شىلىق باعالاۋ بويىنشا وتان­دىق IT-ماماندار: «ەل­تەكس الاتاۋ» جشس ديرەكتورى ن.ءجا­نىبەكوۆ, «Open IT» كومپا­نياسىنىڭ باسشىسى ۆ.كيم, Mirusdesk جوباسىنىڭ نەگى­زىن قالاۋشى م.قۇرماشەۆ جانە باسقالار ءسوز سويلەدى.