نازارباەۆ يسپانيا كورولدىگى دەپۋتاتتار كونگرەسىنىڭ تورايىمىمەن كەزدەستى

نۇرسۇلتان نازارباەۆ يسپانيا كورولدىگى دەپۋتاتتار كونگرەسىنىڭ ءتورايىمى انا پاستورمەن كەزدەستى, دەپ حابارلادى akorda.kz.


قازاقستان پرەزيدەنتى ەلىمىزگە ساپارمەن كەلىپ, «ەكسپو-2017» حالىقارالىق كورمەسىندە يسپانيا پاۆيلونىنىڭ اشىلۋىنا قاتىسقانى ءۇشىن ا.پاستورعا العىس ايتتى.

– كورمەمىزدىڭ اشىلۋ سالتاناتىنا 17 شەت مەملەكەتتەر جانە ۇكىمەتتەر باسشىلارىمەن بىرگە, يسپانيا كورولى VI فەليپە دە قاتىسقان بولاتىن. ءبىز وسى ءىس-شارا اياسىندا جۇزدەستىك. اسا مارتەبەلى يسپانيا كورولى قازاقستانعا قىزىعۋشىلىق تانىتىپ, بىرقاتار ىسكەرلىك كەزدەسۋ وتكىزدى, – دەدى مەملەكەت باسشىسى.

نۇرسۇلتان نازارباەۆ ەلدەرىمىز اراسىندا ەكىجاقتى دوستىق قارىم-قاتىناس ورناعانىن, ەكونوميكا مەن ساياساتتاعى بايلانىستارىمىز جەمىستى دامىپ كەلە جاتقانىن ايتىپ, حالىقارالىق كۇن تارتىبىندەگى ماسەلەلەر بويىنشا ۇستانىمدارىمىز ۇقساس ەكەنىنە توقتالدى.

– قازاقستانعا ساپارى كەزىندە اسا مارتەبەلى يسپانيا كورولىمەن بىرگە يسپانيانىڭ ىسكەر توپتار وكىلدەرى مەن ۇكىمەت مۇشەلەرى كەلدى. ولار قازاقستانداعى ارىپتەستەرىمەن جەمىستى كەلىسسوزدەر وتكىزدى, – دەدى قازاقستان پرەزيدەنتى.

مەملەكەت باسشىسى يسپانيا كورولى ءVى فەليپە مەن ۇكىمەتىنە جوعارى ماراپاتى ءۇشىن جىلى لەبىزىن جولداپ, كورول ءى حۋان كارلوس پەن ونىڭ جۇبايى سوفيا پاتشايىمعا اماندىق جانە تابىس تىلەدى.

يسپانيا كورولدىگى دەپۋتاتتار كونگرەسىنىڭ ءتورايىمى مەملەكەتتەرىمىز اراسىندا دوستىق قارىم-قاتىناس ورناعانىن ايتىپ, يسپانيا دەلەگاتسياسىنا ءداستۇرلى تۇردە قوناقجايلىق كورسەتكەنى ءۇشىن ريزاشىلىق ءبىلدىردى.

– مەن ءسىزدىڭ ەلىڭىزدى دامىتۋ مەن وركەندەتۋ جولىنداعى قىزمەتىڭىز, كۇش-جىگەرىڭىز تۋرالى العاش رەت يسپانيا كورولى ءى حۋان كارلوستان ەستىدىم. ءدال سول كەزدە يسپانيا كورولى ءى حۋان كارلوس قازاقستانداعى ارىپتەستەرىمىزبەن ىسكەرلىك بايلانىستار ورناتۋ قاجەتتىگىن ايتقان بولاتىن. بۇگىندە قازاقستان ءسىزدىڭ ارقاڭىزدا زور تابىسقا قول جەتكىزىپ وتىر, – دەدى ا.پاستور.

بۇدان بولەك, يسپانيا كورولدىگى دەپۋتاتتار كونگرەسىنىڭ ءتورايىمى قازاقستان پرەزيدەنتىنە يسپانيا كورولى وتباسىنىڭ شىنايى لەبىزىن جەتكىزدى.