بۋراباي اۋدانىنىڭ اكىمى اۋىستى


اقمولا وبلىسىنىڭ اكىمى مالىك ءمىرزاليننىڭ 2017-جىلدىڭ 26-ماۋسىمداعى  وكىمىمەن اۋداندىق ءماسليحات دەپۋتاتتارىنىڭ كەلىسىمى نەگىزىندە قانات سەرىك ۇلى قاراۋىلوۆ بۋراباي اۋدانىنىڭ اكىمى بولىپ تاعايىندالدى، دەپ حابارلايدى «قازاقپارات» .
اقمولا وبلىسىنىڭ اكىمى مالىك مىرزالين بۋراباي اۋدانى اكتيۆىنىڭ جۇمىسىنا قاتىسىپ، دەپۋتاتتاردان جاڭا اكىمنىڭ كانديداتۋراسىن قولداۋدى سۇرادى.
ۇسىنعان كانديداتۋرانى اۋداندىق ءماسليحات دەپۋتاتتارى ءبىراۋىزدان قولداپ، داۋىس بەرگەننەن كەيىن وبلىس اكىمىنىڭ وكىمىمەن قانات قاراۋىلوۆ بۋراباي اۋدانىنىڭ اكىمى بولىپ تاعايىندالدى.
اۋدان اكتيۆىنە جاڭا باسشىنى تانىستىرعان وبلىس اكىمى  وڭىردە ءبىرىنشى كەزەكتە شەشىلۋگە ءتيىستى مىندەتتەر مەن ەلباسىنىڭ تاپسىرمالارىنا توقتالىپ، اۋداننىڭ جاڭا اكىمىنە  الدا تۇرعان اۋقىمدى جۇمىستاردى ەرەكشە اتاپ كورسەتتى. سونىمەن بىرگە، ول اۋدان اكتيۆى الدىندا جاڭا اكىمگە سەنىم ءبىلدىرىپ، بەلسەندى جۇمىس ىستەۋگە شاقىردى.
ءوز كەزەگىندە اۋداننىڭ جاڭا اكىمى قانات قاراۋىلوۆ وزىنە كورسەتكەن زور سەنىمدەرى ءۇشىن وبلىس اكىمى مەن دەپۋتاتتارعا  العىسىن ءبىلدىرىپ، وسى سەنىمنەن شىعۋعا بار كۇش- جىگەرىن ايانبايتىندىعىن جەتكىزدى.