50 مىڭ دوللارىنان ايىرىلعان گۇلجان ءماۋىتحان قىزىنا قاتىستى اپەللياتسيالىق سوت وتىرىسى اياقتالدى

شەكارادا 50 مىڭ دوللارىنان ايىرىلعان جەسىر انانىڭ ءىسى پروكۋراتۋراعا قايتارىلدى

 اتامەكەنىنە ورالىپ، قىتايدان قازاقستانعا كوشىپ كەلمەك بولعاندا شەكارالىق تەكسەرۋ كەزىندە 50 مىڭ دوللارعا جۋىق بار جيعان- تەرگەن اقشاسىنان ايىرىلىپ قالعان قانداسىمىز گۇلجان ءماۋىتحان قىزىنا قاتىستى اپەللياتسيالىق سوت وتىرىسى بۇگىن اياقتالدى، دەپ حابارلايدى baq.kz ءتىلشىسى سوت ءزالىنان.
ەكى كۇنگە سوزىلعان اپەللياتسيالىق سوت وتىرىسى بارىسىندا شەكارادا بار جيعان- تەرگەن اقشاسىنان ايىرىلىپ قالعان قىتايلىق قانداسىمىز گۇلجان ءماۋىتقان قىزى ءىسى بۇگە- شىگەسىنە دەيىن قارالىپ، تەرگەۋ بارىسىندا ءبىرقاتار ورەسكەل زاڭ بۇزۋشىلىقتاردىڭ ورىن العانى انىقتالدى.
كەشەلى- بەرى وسى ىسكە قاتىسى بار جابىرلەنۋشىلەردەن، كۋاگەرلەردەن، ادۆوكات پەن ايىپتاۋشى تاراپتىڭ جاۋابىن تىڭداعان شىعىس قازاقستان وبلىستىق قىلمىستىق ىستەردى قارايتىن سوت القاسى گۇلجان ءماۋىتقان قىزى ىسىنە قاتىستى تومەندەگىدەي شەشىم شىعاردى.
« بۇگىنگى سوت 2017 – جىلعى 10 ءساۋىر كۇنگى زايسان قالالىق سوتىنىڭ شىعارعان ۇكىمىنىڭ كۇشىن جويىپ، بۇل ءىستى سوتتان پروكۋراتۋراعا تەرگەۋگە جولداۋ تۋرالى شەشىم شىعاردى» ، – دەيدى سوت زالىنان شىققان ءتىلشىمىز.
ەستەرىڭىزدە بولسا، بۇعان دەيىن شىعىس قازاقستان وبلىسى زايسان اۋداندىق سوتى جالعىزباستى ايەلدى قر قىلمىستىق كودەكسىنىڭ 234-بابى (ەكونوميكالىق كونتراباندا) بويىنشا ايىپتى دەپ تانىپ، ۇستىنەن 68 مىڭ تەڭگە ايىپپۇل سالدى.
ال، 9900 دوللارىن عانا قايتارىپ بەرىپ، قالعان 40 مىڭ دوللار قارجىسىن مەملەكەتكە كىرىس رەتىندە بەكىتكەن ءبولاتىن.
بۇگىنگى سوت وتىرىسىنان ايتا كەتەتىن تاعى ءبىر جاعىمدى جاڭالىق، ادىلبەك مۇقتاش ۇلى مەن گۇلجان ءماۋىتقان قىزى ۇستىنەن قوزعالعان تەرگەۋ كەزىندە جانە سوت كەزىندە ءارتۇرلى جاۋاپ بەرگەنى ءۇشىن ەكەۋى جاۋاپقا تارتىلادى دەگەن قاۋلىنىڭ دا كۇشى جويىلعان.

ۇلاربەك دالەي ۇلى
Baq.kz .

2 پىكىر

  • بۇعان تالاس تارتىستىڭ قاجەتى جوق اقشانى جەمقورلار قايتارۋ كەرەك سونىمەن بىرگە اپايدىڭ كوپتەن بەرى ۇشىراعان قىسىمى مەن شىعىمى ۇشىن شەگارداعىلار ايىپپۇل تولەۋى تيىس