ەلباسى «استانا «ەكسپو-2017» كورمە كەشەنىن ارالادى


ەلباسى كورمەنىڭ باستى نىسانى بولىپ تابىلاتىن «نۇر الەم» پاۆيلونىن ارالادى. بۇل – ديامەترى 80 مەتر شار تۇرىندە سالىنعان الەمدەگى بىردەن- ءبىر عيمارات، دەپ جازادى akorda.kz.
پاۆيلوندا «بولاشاقتىڭ ەنەرگياسى مۋزەيى» ورنالاسادى، وندا قازاقستانمەن تانىسۋ ايماعى بولادى، سونداي- اق ەنەرگيانىڭ نەگىزگى تۇرلەرى ۇسىنىلادى. قازاقستان پرەزيدەنتىنە «بولاشاق استانا – قازاقستاننىڭ 2050 -جىلعى ەلورداسى» ەكسپوزيتسياسى، عارىش ەنەرگياسى زالى، قازاقستاندىق 28 عىلىمي جوبانى جانە «جاسىل ەكونوميكا» تۇجىرىمداماسى جونىندەگى جوبالاردى قامتيتىن «جاسامپاز ەنەرگيا» ايماعى، سونداي- اق قازاقستاننىڭ «توكاماك» ماتەريالتانۋ تەرمويادرولىق رەاكتورىنىڭ مودەلى، ەنەرگەتيكا مەن قورشاعان ورتانى قورعاۋ سالاسىنداعى مەملەكەت باسشىسىنىڭ باستامالارى كورسەتىلگەن مەدياقابىرعا تانىستىرىلدى. سونىمەن قاتار، نۇرسۇلتان نازاربايەۆ كورمە كەشەنىنىڭ كونگرەسس- ورتالىعىندا بولىپ، «شاڭىراق» ، «اسپان» زالدارىن، VIP- تەرراسانى، كونتسەرت زالىن كوردى. كونگرەسس- ورتالىق كوپفۋنكتسيونالدى مادەني ءارى ويىن- ساۋىق ورتالىعى بولىپ سانالادى. وندا 2 192 ورىنعا ارنالعان كورەرمەندەر زالى جانە 4 كونفەرەنتس- زال بار. قازاقستان پرەزيدەنتىنە كورمەنىڭ اشىلۋ ءراسىمى قالاي وتەتىنى كورسەتىلدى.