ەسىل وزەنىندە قايىق تاكسي قىزمەتى پايدا بولادى


كەلەسى جىلى ەلوردانىڭ ەسىلدە وزەن ۆوكزالى پايدا بولادى. سونداي- اق وزەندەگى تاكسي قىزمەتىن دە ىسكە قوسۋ جوسپارلانعان، دەپ حابارلايدى استانا اكىمدىگىنىڭ مەديا ورتالىعى.
«2008 -جىلى ەلباسىنىڭ تاپسىرماسىنا سايكەس «ەسىلدەگى كەمە ارناسىن دامىتۋ» (سۋدوحودنىي ەسيل) جوباسى ازىرلەندى. بۇگىندە اتالعان جوبا ءۇش باعىت بويىنشا جۇزەگە اسىرىلۋدا. سونىڭ ءبىرى – ەسىلدەگى كەمەجاي، ياعني وزەن ۆوكزالىن اشۋ. قازىرگى كۇنى كەمەجاي قۇرىلىسىنىڭ ناقتى ورنى بەلگىلەندى، ول ش. بەيسەكوۆا كوشەسىنىڭ تومەنگى جاعىندا بولماق» ، – دەدى استانا اكىمدىگىنىڭ مەديا ورتالىعىنىڭ تىلشىسىنە بەرگەن سۇحباتىندا «استانا ەسىل» مكك ديرەكتورى قانات الين.
ونىڭ ايتۋىنشا، وزەن ۆوكزالى پورتتىق تيەگىش، بلوكتار مەن قاجەتتى شەبەرحانالارمەن جابدىقتالادى.
«سونداي- اق  2015 -جىلى شىلدەدە ەسىل وزەنى قازاقستاننىڭ كەمە جۇزەتىن وزەندەرىنىڭ رەەستىرىنە ەنگىزىلدى. سوندىقتان، ءبىز بۇل جاڭالىقپەن ماقتانا الامىز. جوبانىڭ تاعى ءبىر ماقساتى – ەسىل وزەنىندە قاتىنايتىن وزەن تاكسيىن قولدانىسقا ەنگىزۋ. سىيىمدىلىعى 8  ادامدىق شاعىن كەمەلەر جولاۋشىلاردى ەسىل ءوزىنىنىڭ اكۆاتوريى شەڭبەرىندە قالاعان جەرىنە جەتكىزەتىن بولادى» ، – دەدى ول.