ابايەۆ: كورەرمەننىڭ دەڭگەيى وسسە، سوعان ساي مادەنيەت تە قالىپتاسادى


اقپارات جانە كوممۋنيكاتسيالار ءمينيسترى داۋرەن ابايەۆ بۇل تۋرالى «ەگەمەن قازاقستان» گازەتىنە بەرگەن سۇحباتىندا ايتتى.
«ءبىز تۇتىنۋشىلىق دەڭگەيدى كوتەرۋىمىز كەرەك. كورەرمەننىڭ دەڭگەيى وسكەندە، سوعان ساي مادەنيەت تە قالىپتاسادى. مىسالى، ەلباسى «استانا وپەرانى» نە ءۇشىن سالعىزدى؟ وسىنداي ءزاۋلىم عيماراتتى سالماساق تا ونەرىمىز ءوز ىرعاعىمەن دامۋ ۇستىندە بولاتىن. الايدا، ماقسات كورەرمەننىڭ الەمدىك دەڭگەيدەگى ونەرگە سۇرانىسىن قالىپتاستىرۋ ەدى. سول سياقتى، «قاز- مەديا ورتالىعىن» الايىق. وسىنشا اقپارات قۇرالدارى بۇل مەديا ورتالىق بولماعان كەزدە دە جۇمىس ىستەپ جاتتى. ءبىراق، زاماناۋي عيماراتتا الەمدىك ستاندارتتارعا ساي جابدىقتارعا قول جەتكەن سوڭ، ءبىزدىڭ تەلەارنا، راديولارىمىز جاڭا ساتىعا كوتەرىلدى. سوندىقتان، ء«وز قازانىمىزدا عانا قايناماي» ، وزگەلەردىڭ وزىق جەتىستىكتەرىن بويعا سىڭىرە ءبىلۋ كەرەك. سوندا عانا باسقا يدەولوگيانىڭ ىقپالىنا ەرمەيتىن، اقپاراتتى تاڭداپ، تالعاپ قابىلدايتىن كورەرمەن قالىپتاسادى. ەلباسى رۋحاني جاڭعىرۋ جونىندەگى ماقالاسىنىڭ «سانانىڭ اشىقتىعى» دەگەن تاراۋىندا بۇل تۋرالى وتە ۇتىمدى ايتتى. سىرتقى ىقپالدان قورقىپ، ەسىگىمىزدى جاۋىپ وتىرا بەرسەك، پروبلەمامىز ەشقاشان شەشىلمەيدى» ، دەيدى مينيستر.