شىمكەنتتە قۇرىلىسشى تاۋىپ العان 2 ميلليون تەڭگەنى يەسىنە قايتارىپ بەردى

شىمكەنتتە قۇرىلىسشى تاۋىپ العان 2 ميلليون تەڭگەنى يەسىنە قايتارىپ بەردى، -دەپ حابارلايدى Tengrinews. kz ءتىلشىسى.
بۇل تۋرالى التاي اينابەك Facebook جەلىسىندەگى پاراقشاسىندا جازدى. ونىڭ ايتۋىنشا، وقيعا كەشە، 21 -ساۋىردە بولعان. “كەشە كەشكە، جۇمىس ۋاقىتىنان كەيىن، ءبىزدىڭ كومپانيانىڭ سايرام مولتەك اۋدانىنداعى تۇرعىن-ءۇي قۇرىلىسىنان كەشتەتىپ جۇمىستان قايتىپ بارا جاتىپ، كومپانيامىزدىڭ قويما مەڭگەرۋشىسى قۋانىش ناقىپبەكوۆ، جولدان ءبىر بارسەتكا تاۋىپ الدى. بارسەتكانى اشسا، ىشىندە 2 ميلليونداي تەڭگە، ءتولقۇجاتتار، ۇساق-تۇيەك نارسەلەر بار ەكەن. بىردەن ەگەلەرىن ىزدەستىرە باستاعان قۋانىش، قاسىنداعى دۇكەندەرگە بارادى، تابىلعان ءتولقۇجاتتار ارقىلى جوعالتقان ادامداردى ىزدەستىرە باستاپ، اقىرى تابادى. اقشانى، ءتولقۇجاتتاردى، بارلىق ۇساق-تۇيەگىمەن ەگەلەرىنە تابىستاپتى”، -دەپ اڭگىمەلەدى ول. سونىمەن قاتار، ول بۇل جاڭالىقتى ەستىگەن سوڭ قاتتى قۋانعانىن ايتتى. “شىنىمدى ايتسام وسىنداي ادال، يماندى، مىقتى جىگىتتەرمەن بىرگە جۇمىس ىستەيتىنىمە قاتتى ريزى بولدىم. رەسپەكت! “جاقسىنىڭ جاقسىلىعىن ايت نۇرى تاسىسىن، دەگەندەي، مەنىڭشە، قۋانىش ناقىپبەكوۆ وسى كۇننىڭ ناعىز قاھارمانى، ەل تانۋعا ابدەن لايىقتى، كەلىسەسىزدەر مە؟”، -دەپ جازدى التاي اينابەك.