ەرلان قارين. ماسەلە لاتىن الىپبيىنە كوشۋىمىزدە ەمەس، ناقتى وركەنيەتتىك تاڭداۋ جاساۋىمىزدا

بۇگىن «ەگەمەن قازاقستان» گازەتىندە پرەزيدەنت نۇرسۇلتان نازاربايەۆتىڭ باعدارلامالى ماقالاسى جاريالاندى. بىردەن ايتا كەتۋ كەرەك، جولداۋ تەك «ەگەمەندە» ، قازاق تىلىندە عانا جارىق كوردى. بۇل ماقالادا ايتىلعان ويلار، تەزيستەر ۇلتتىق يدەولوگياعا، قازاق قوعامىنا ارنايى باعىتتالعانىن اڭعارتسا كەرەك. سوندىقتان، بۇل ماقالانى قازاق حالقىنا جولداۋ سياقتى قابىلداۋعا بولادى.
ەلباسىنىڭ ماقالاسى مەملەكەتتىك يدەولوگيانى انىقتايتىن، جاڭا يدەولوگيالىق پلاتفورماعا اينالاتىن، ساياسي- يدەولوگيالىق قۇجات.
سەبەبى ول ساياسي، ەكونوميكالىق، الەۋمەتتىك، قۇقىقتىق رەفورمالاردان سوڭ يدەولوگيالىق ساياساتتى مودەرنيزاتسيالاۋدى كۇن تارتىبىنە شىعاردى. ماسەلەن، لاتىن قارپىنە كوشۋ وتە ماڭىزدى شەشىم. مەن وسى تۋراسىندا بۇرىن دا پىكىرىمدى ايتقانمىن، ماسەلە لاتىن الىپبيىنە كوشۋىمىزدە ەمەس، ناقتى وركەنيەتتىك تاڭداۋىمىزدى جاساۋىمىزدا. ەندىگى رەتتە ەلباسى بۇرىن جانە بۇگىنگى ۇسىنىپ وتىرعان جاڭا تىڭ يدەيالاردى ناقتى ءىس جۇزىندە اسىرۋدىڭ جوسپارىن ۇسىنىپ وتىر.
بۇل قۇجات قازاق ۇلتتىق مۇددەسىنىڭ ستراتەگيالىق باعىتىن ايقىندايتىن جاڭا يدەولوگيالىق كونتسەپتسيا. ۇلتتى بەلگىلى ءبىر ارەكەتكە جىگەرلەندىرەتىن، تۇرتكى بولاتىن پرينتسيپتەردىڭ جيىنتىعى.
سوندىقتان، ءبىز پرەزيدەنت ماقالاسىندا ايتىلعان جاڭا، تىڭ يدەيالاردى «قازاقستان» تەلەارناسى مەن «قازاق» راديوسىنىڭ ءتۇرلى باعدارلامالارىندا جان- جاقتى، سالماقتى تالقىلاۋدى ۇيىمداستىرۋعا ءازىرمىز.

ەرلان قاريننىڭ فەيسبۋكتاعى جازباسىنان