«مەن جىندىمىن» ساتىلىپ جاتىر

 

الماتىداعى «مەلومان» كىتاپ دۇكەنىندە جازۋشى تۇرىسبەك ساۋكەتايەۆتىڭ «مەن – جىندىمىن» كىتابىنىڭ تۇساۋكەسەرى ءوتتى. بۇل روماننىڭ شىعۋىنا مۇرىندىق بولعان بىلتىرعى وتكەن «التىن قالام» ادەبي بايگەسى. «مەن – جىندىمىن» رومانى 2009 -جىلدان بەرى ءداستۇرلى تۇردە ءوتىپ كەلە جاتقان وسى بايقاۋدىڭ 2016 -جىلعى جەڭىمپازى. جەڭىمپاز رەتىندە كولەمدى رومان تاڭدالعان سوڭ، بايقاۋدى ۇيىمداستىرۋشىلار ورتاق انتولوگيادان تىس، بۇل شىعارمانى جەكە كىتاپ رەتىندە شىعارۋدى ءجون كورىپتى.

كىتاپ جانرىنا ء«اجۋا ارالاس مۇڭلى رومان» دەگەن انىقتاما بەرىلىپتى. تراگي- كومەديالىق سارىندا جازىلعان شىعارمانىڭ بۇكىل وقيعاسى تاۋەلسىزدىك جىلدارىندا وتەدى. باس كەيىپكەر تاۋفيحتىڭ باستان كەشكەندەرى مەن ساناسىندا شارپىسقان ويلارى، ءتۇرلى كوڭىل- كۇيدەگى پسيحولوگياسى ارقىلى باعالاناتىن بۇگىنگى قوعامنىڭ قالتارىس- بۇلتارىسى رومان سيۋجەتىن تارتىمدى ەتە تۇسەرى ءسوزسىز.
كىتاپتىڭ فورماسى دا ءساتتى تاڭدالعان دەۋگە بولادى. ويتكەنى، ءبىر روماننىڭ 42 بولىمگە جىكتەلۋى، ونىڭ ءارقايسىسىنا جەكە تاقىرىپ بەرىلۋى روماندى تارتىمدى ەتە تۇسكەندەي. ء«قازىر باياعىداي قالىڭ- قالىڭ روماندار وقىلمايدى» دەپ سىلتاۋ ايتۋعا، ءوزىن اقتاپ الۋعا شەبەرلەنىپ العان قالىڭ وقىرماندى قىزىقتىرۋدىڭ ءبىر ءتاسىلى وسى شىعار، بالكىم.
تاعى ءبىر ايتا كەتەر جايت – بۇل تۇساۋكەسەردىڭ وزگەلەردەن وزگەرەك بولعانى. ولاي بولاتىنى، بۇل شارا باسقا جەردە ەمەس، كىتاپ دۇكەنىندە ءوتتى. ادەتتە، تۇساۋكەسەرگە كەلىپ، كىتاپتى جازۋشىنىڭ ءوز قولىنان حان تالاپاي ۇلەستىرىپ اكەتەتىن قوناقتار بۇل ساپار سياسى كەپپەگەن روماندى كىتاپ دۇكەنىنىڭ كاسساسىنان ساتىپ الىپ جاتتى. بولاشاقتا كىتاپ اۆتورلارى ەسكەرەتىن ءبىر جايت وسى ەكەن دەستىك. مۇنى – قازاق جازۋشىلارىنىڭ نارىققا بەيىمدەلۋىنىڭ باسى دەپ باعالاۋ كەرەك.
رومان اۆتورى تۇرىسبەك ساۋكەتايەۆ جينالعان جۇرتقا، ۇيىمداستىرۋشىلارعا العىس ءبىلدىرىپ تۇرىپ، ءوز كىتابى جايلى:
– قوعام تۋرالى، ءومىر تۋرالى، سىزدەردىڭ ءارقايسىلارىڭىز تۋرالى ويىم مەن ىقىلاسىم، كوزىمنىڭ جاسى مەن جۇرەگىمنىڭ قانى وسى شىعارمانىڭ ىشىندە. سوندىقتان، سىزدەرگە ايتارىمنىڭ ءبارى قولدارىڭىزدا كەتىپ بارا جاتقان كىتاپتا دەپ ويلايمىن، – دەدى.
روماننىڭ شىعۋىنا دەمەۋشىلىك كورسەتكەن «ZHERSU» ينۆەستيتسيالىق- وندىرىستىك كورپوراتسياسى مەن «qazكom» بانكى الداعى ۋاقىتتا دا «التىن قالام» جوباسىنا اتسالىساتىن بولادى.
الماس ءنۇسىپ،
«ەگەمەن قازاقستان»
الماتى