اۋىت مۇقيبەك: «ەكسپوعا» كەلىڭدەر، قانداستارىم!

( دۇنيە جۇزىندەگى قازاقتارىنا ۇندەۋ جىر )


«ەكسپوعا» كەلىڭدەر، قانداستارىم،
تويدىڭ تويعا تىلەڭدەر جالعاسقانىن!
شاقىرادى سەندەردى قازاقستان،
ءان كەرنەگەن ءار كۇنى تاڭعى اسپانىن!

شاقىرادى سەندەردى ۇلى دالاڭ،
باق دارىدى، قۇت قونىپ بۇگىن وعان.
كۇتىپ وتىر سەندەردى قۇشاق جايىپ،
جاسىل جەلەك جامىلعان تۇنىق الاڭ!

شاقىرادى سەندەردى ەر نۇرەكەم،
تاۋەكەلگە بايلاعان بەلدى بەكەم!
قازاق قازاق بولعالى ءدال وسىنداي،
باعى جانعان زاماندى كوردى مە ەكەن؟ !

قولىن الىپ، سالەم بەر نار اتاڭا،
السىن اپپاق باتاسىن بالا- شاعا.
استانانىڭ ارالاپ بار كوشەسىن،
«جارمەڭكەنى» ەرىنبەي تاماشالا!

سەنى كۇتىپ تۇر بۇگىن دالا مىنا،
قۇت دارىسىن ءار باسقان قادامىڭا!
ارۋ قىزدار، شاشىڭدى تارات كەلىپ
مايدا قوڭىر ارقانىڭ سامالىنا!!

ەسىلگە كەپ تۇپ- تۇنىق جۋ بەتىڭدى،
قالدىر اپپاق ايدىنعا سۋرەتىڭدى!
ءان مەن جىرعا تاڭىرقات بار الەمدى،
ۇيىقتاماستان جالعاپ ءبىر كۇنگە ءتۇندى!

جۇرتىڭ دايىن قازاقتىڭ دالاسىندا ءار،
وتانىڭنان سەنىڭ دە الاسىڭ بار.
كورگەندەرىڭ بولەنىپ قۋانىشقا،
كورمەگەندەر، ارماندا قالاسىڭدار!

ساۋىق قۇرىپ، دەسەڭ ءبىر دەم الايىن،
استاناعا بيىل جاز كەل، اعايىن!
ىشەم دەسەڭ، سار قىمىز ساپىرۋلى،
جەيىم دەسەڭ، جال- جاياڭ جانە دايىن!!

ۇلى تويدان جايىڭ جوق بوگەلەتىن،
قوزدىر قوڭسى جۇرتىڭنىڭ دەلەبەسىن!
ءانىن تىڭداپ ديماشتىڭ قارىس جەردەن،
قاناتىڭنىڭ كورىپ قايت توبەلەسىن!

وتانىڭ بار ورداسى سەگىز قانات،
تويدىر كەلىپ دۇنيەگە كوزىڭدى ابات!
ماقتانادى نۇرەكەم جەر جۇزىنە،
تۇرعىزدىم دەپ ىرگەسىن ءوزىم قالاپ!

قازاعىڭ بار دالاسى كەڭ كەرىلگەن،
قۋات العان  جەل  مەنەن جەرگە  كۇننەن .. .
قورجىنىڭدى قومپايتىپ كەل، تۋىستار،
ءومىر بويى بار جيعان- تەرگەنىڭمەن!

ەلباسىڭ بار كەڭ يىق، قارىس ماڭداي،
ايباتىمەن ىقتىرعان ارىستانداي!
تىلەپ ءجۇرمىن قانداستار كەلسە ەكەن دەپ،
ۇلى تويدان وسىناۋ قاعىس قالماي!

تاۋەكەلدىڭ توسىلماي ءمىن كەمەسىن،
وتانسىز ەل، بىلەسىڭ، مۇلدە جەتىم!
ات بايلارى قازاقتىڭ – قازاقستان،
جورتىپ- جورتىپ تۇبىندە ءبىر كەلەتىن!

جاتقامىز جوق سۇردەكتى قايتا باسىپ،
تىڭ الەمنەن جول تاپتىق تايتالاسىپ.
كەلەم دەگەن قازاققا باسى ءبۇتىن،
ۇلى ەلىڭىنىڭ قۇشاعى ايقارا اشىق!

كەلمەيدى ەندى قاتال قىس، دولى كوكتەم،
كوز سال كەلىپ ەلىمنىڭ جولىنا وتكەن.
اينالانىڭ بۇل كۇندە سىرى ءمالىم،
مۇنداي تويدى جاسايدى قولى جەتكەن!

جوعالتپاعان حالىقپىز ءور مىنەزىن،
قوناعىنا ۇسىنعان ءتوردىڭ ءوزىن.
سارىارقانىڭ توسىنە – استاناعا،
اعىلاتىن سەنىڭ دە كەلدى كەزىڭ!

بولدى ۇقساسا قازاققا شىن ەسىمىڭ،
پاتەر بىتكەن اشقالى تۇر ەسىگىن.
تىرشىلىكتىڭ بايلانباي كۇيبەڭىنە،
وزگەلەردەن بۇرىن كەل ءبىر- ەكى كۇن!

قالدى الىستا زاماندار جەلى باسىم،
ەل تانىعان سالتىڭ بار بەرىپ اسىن.
«ەكسپونىڭ» تارتىلعان كەرمەسىنە،
ءبىرىنشى بوپ بايلانسىن سەنىڭ اتىڭ!

بەرسىن ەسىل ماڭگىلىك تۇنىق اعا،
كۋا بولىپ سىمباتىڭ، سىرىڭا دا.. .
سەندەرمەنەن كورىكتى قازاقستان،
سەندەرمەنەن ايباتتى ۇلى دالا!

اۋىت مۇقيبەك

31.03.2017

استانا

12 پىكىر

  • ۇلتىڭىزءۇشىن جار قۇلاعىڭىز جاستىققا تىيمەگەن اياۋلى اعا امان بولىڭىز،(ەكىسپو )مەرەكەڭىزبەن قۇتتىقتايىم. بەلەتىن الماتىدان الۋعا بولاما،قايدان ،قالاي الساق بولادى ەكەن؟

  • وتانعا دەگەن ماحباتىڭىز شۇباسىز ، قازاعىڭ ۇشىن ارقاشان الدا تۇراسىز ، ۇنسىزدىكپەنەن قىزمەت قىلار ەلىنە ، بابالار ايتقان قىزىر مەكەنسز سرا سىز ،

  • اسسالاۋماعالايكۇم اۋىت.مۇقيبەك ۇلى ،
    ولەڭىزدىڭ تەرەڭىنەن سىر ۇقتىم،
    مەندە تالاي سوقباق جولدا شىنىقتىم،
    كوپتى كورگەن كورەگەندىك سوزڭنەن،
    حالقىڭا دەگەن ماحاباتىڭىزدى شىن ۇقتىم،

    سىزدى قولدايمىن ، امان ساۋ الدىمزدا، جۇرە بەرڭىز ،

  • وتانعا دەگەن ماحاباتىڭىز شۇباسىز ، قازاعىڭ ۇشىن ارقاشان الدا تۇراسىز ، ەتەسىزەڭبەك ،ۇندەمەي عانا، قازاققا، اتالار ايتقان قىزىر ،مەكەنسز سراسىز سادىر جان انيات

  • ازاماتتار ورالىڭدار،ورالىڭدار ەلگە،
    تۋعان جەرسىز باقىتتا جوق،بولا قالسا سەنبە.
    قالاي عانا ورالماسسىڭ ،بارا الماسسىڭ سەندەر،
    اتا-بابا كىندىك قانى تامىپ قالعان قاسيەتتى جەرگە!!
    -دەپ جىرلاپ وتكەن مۇقاعالي مۇڭىن ۇلىت مۇراتى دەپ ءبىلىپ كەيىنگىگە كەمەلدى نۇرلى جول سىلتەپ جۇرگەن وزىڭىزدەي ۇلى تۇلعالى اعالارىم امان بولسىن