كارىم ءماسىموۆ تەرروريزمگە قارسى كۇرەس ورتالىعىنىڭ وتىرىسىن وتكىزدى

كەشە استانادا ۇلتتىق قاۋىپسىزدىك كوميتەتىنىڭ ءتوراعاسى كارىم ءماسىموۆ قازاقستان رەسپۋبليكاسى تەرروريزمگە قارسى كۇرەس ورتالىعىنىڭ XIX وتىرىسىن وتكىزدى، دەپ جازادى ۇلتتىق قاۋىپسىزدىك كوميتەتىنىڭ باسپا ءسوز قىزمەتى.

كونسۋلتاتيۆتىك- كەڭەسشى ورگاننىڭ جۇمىسىنا قاۋىپسىزدىك كەڭەسى حاتشىسىنىڭ ورىنباسارى ا. ءابدىمومىنوۆ جانە باس پروكۋرور ج. اسانوۆ قاتىستى.

وتىرىسقا قاتىسۋشىلار ەلباسىنىڭ «قازاقستاننىڭ كيبەرقورعانىسى» كيبەرقاۋىپسىزدىك جۇيەسىن قالىپتاستىرۋ جونىندەگى تاپسىرماسىن جۇزەگە اسىرۋ شارالارىن قاراستىردى.

يدەولوگتار مەن دەسترۋكتيۆتى ءدىني اعىمداردى ۋاعىزداۋشىلاردىڭ قىزمەتىن بەيتاراپتاندىرۋ تيىمدىلىگىن ارتتىرۋ جۇمىسىنىڭ جاعدايى مەن قوسىمشا شارالارى تالقىلاندى.

وتىرىس قورىتىندىسى بويىنشا حاتتاما شەشىمدەرى پىسىقتالدى جانە قابىلداندى.