قاراعاندى وبلىسىنىڭ اكىمى اۋىستى

قاراعاندى وبلىسىنىڭ اكىمى بولىپ قازاقستان رەسپۋبليكاسى پرەمەر- مينيستر كەڭسەسىنىڭ باسشىسى ەرلان جاقان ۇلى قوشانوۆ تاعايىندالدى، — دەپ حابارلايدى اقوردانىڭ باسپا ءسوز قىزمەتى. بۇل قىزمەتتە ول 2014 -جىلى 20- ماۋسىمدا قاراعاندى وبلىسىنىڭ اكىمى بولىپ تاعايىندالعان نۇرمۇحامبەت ابدىبەكوۆتى اۋىستىردى.

ەرلان قوشانوۆ 1962 -جىلى 14 -تامىزدا دۇنيەگە كەلگەن. قاراعاندى پوليتەحنيكالىق ينستيتۋتىنىڭ جەزقازعان فيليالىن (1984) ينجەنەر مەحانيك ماماندىعى بويىنشا ءتامامداعان. ماماندىعى بويىنشا — ەكونوميست. ول ق ل ك ج و جەزعازقان وبلىستىق كوميتەتىنىڭ نۇسقاۋشىسى، ءبولىم مەڭگەرۋشىسى (1988-1990) ، جەزقازعان وبلىستىق سىرتقى- ەكونوميكالىق بايلانىس كوميتەتىنىڭ جەتەكشى، باس مامانى، ءبولىم باستىعى، ءتوراعانىڭ ورىنباسارى، ءتوراعاسى بولدى (1990-1995) . سونىمەن قاتار ول قازاقستان رەسپۋبليكاسى پارلامەنتىندەگى قر ۇكىمەتىنىڭ وكىلى (1999-2003) ، قر پرەمەر- ءمينيسترى كەڭسەسى باسشىسىنىڭ ورىنباسارى (2001-2003) ، قر كولىك جانە كوممۋنيكاتسيا ۆيتسە- ءمينيسترى (2003-2006) ، قر كولىك جانە كوممۋنيكاتسيا مينيسترلىگىنىڭ ازاماتتىق اۆياتسيا كوميتەتىنىڭ ءتوراعاسى (2006-2007) قىزمەتىن اتقارعان.

2012 -جىلدان باستاپ قر پرەمەر- ءمينيسترى كەڭسەسىنىڭ باسشىسى قىزمەتىندە قىزمەت اتقارىپ كەلدى.