الاكول ماڭىندا 9 ادام قار قۇرساۋىنان قۇتقارىلدى

ناۋرىز تۋسا دا، شىعىستا كوكتەمنىڭ لەبى سەزىلمەي تۇر ازىرگە. كارى قۇدا وڭىردەگى جۇرتتى اۋرە- سارساڭعا سالۋىن توقتاتار ەمەس. وتكەن سەنبى- جەكسەنبى كۇندەرى شىعىس وڭىرلىك اەروۇتقىر جەدەل قۇتقارۋ جاساعىنىڭ كۇشىمەن 9 ادام، ونىڭ ىشىندە 5 بالا قار قۇرساۋىنان قۇتقارىلدى.

شىعىس قازاقستان وبلىستىق توتەنشە جاعدايلار دەپارتامەنتىنىڭ باسپا ءسوز قىزمەتىنىڭ تاراتقان اقپاراتتارىنا سۇيەنسەك، 6 -ناۋرىز كۇندىز شىعىس وڭىرلىك اەروۇتقىر جەدەل قۇتقارۋ جاساعى بولىمشەسىنە كومەك سۇراعان سيگنال كەلىپ تۇسەدى. الاكولدەن 15 شاقىرىم جەردە، جاعالاۋدا كەنەتتەن سوققان قاتتى جەل مەن بۇرقاسىننان ەكى اۆتوموبيلگە مىنگەن توعىز ادام، ونىڭ 5 ەۋى بالا جولعا شىعا الماي تۇرىپ قالادى. قۇتقارۋشىلار وقيعا ورىنا دەرەۋ جەتىپ، جولاۋشىلاردىڭ بۇزىلىپ قالعان كولىكتەرىن جوندەۋگە كومەكتەسىپ، ولاردى قابانباي اۋىلىنا دەيىن جەتكىزىپ سالادى.

ازامات قاسىم، «ەگەمەن قازاقستان»
سۋرەتتەر شقو توتەنشە جاعدايلار دەپارتامەنتىنىڭ باسپا ءسوز قىزمەتىنەن الىندى